• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   चन्द्रमाको सतहबाट नमूना लिएर पृथ्वीमा फर्कियो चीनको यान ★   नेपालमा अष्ट्रेलियन लगानी ल्याउन पहल गर्छु: वाणिज्यदूत शर्मा ★   झलनाथ खनाल स्वास्थ्य विज्ञान प्रतिष्ठानका पदाधिकारी बिरुद्धको मुद्दा: सचिव र मेयरलाई सफाई ,अरु दोषी ठहर ★   ‘इट्स माइ शो’को विषयबारे अनमोलले के भने ? ★   अन्तर्राष्ट्रिय ‘मैथिली फिल्म फेस्टिभल’ सुरु ★   समाजवादी आन्दोलनको नयाँ प्रवाह शुरु भएको छः झलनाथ खनाल ★   गलत प्रवृत्तिका विरुद्धमा नयाँ सांस्कृतिक जागरण पैदा गर्न आवश्यकः अध्यक्ष नेपाल ★   महाकालीको कटान रोक्न कुतियाकबरमा जैविक तटबन्ध ★   आन्तरिक वा बाह्य ऋण उत्पादनमूलक क्षेत्रमा खर्च गर्छौँ: अर्थमन्त्री पुन ★   करेन्ट लागेकालाई बचाउन खोज्नेको मृत्यु, अर्का घाइते

दोस्रो सैंबु खुला ब्याडमिन्टन प्रतियोगिता सुरु



ललितपुर: सैंबु ब्याडमिन्टन सर्कलको आयोजना तथा ललितपुर महानगरपालिका वडा नं. १८ को सहयोगमा आजदेखि ललितपुर महानगरपालिका वडा नं. १८ को मगरगाउँमा दोस्रो सैंबु खुला ब्याडमिन्टन प्रतियोगिता सुरु भएको छ ।

यस प्रतियोगिताको सञ्चालनका लागि प्राविधिक सहयोग जिल्ला ब्याडमिन्टन संघले उपलब्ध गराएको छ ।

प्रतियोगिताको शुभारम्भ ललितपुर महानगरपालिका वडा नं. १८ का वडा अध्यक्ष दामोदर खड्काले गर्नु भएको थियो । त्यस अवसरमा उहाँले स्वस्थ र अनुशासित समाज निर्माणका लागि खेलकुद अपरिहार्य रहेको बताउँदै खेलकुदका गतिविधिलाई वडाले निरन्तर सहयोग गर्ने प्रतिबद्धता व्यक्त गर्नुभयो ।

सैंबु ब्याडमिन्टन सर्कलका अध्यक्ष शंकर थापा मगरको अध्यक्षतामा भएको उदघाटन कार्यक्रममा समाजका लब्धप्रतिष्ठित व्यक्तिहरु, खेलाडीहरु तथा आमन्त्रित महानुभावहरुको उपस्थिति थियो ।

यस प्रतियोगिताका विजयीलाई कप, प्रमाणपत्र र नगद प्रदान गरिने छ । प्रतियोगितामा प्रारम्भिक छनौटमा परेका २४ जना खेलाडीको सहभागिता छ ।

नकआउटका आधारमा खेलाइने यस प्रतियोगिता अन्तर्गत आज पहिलो दिनको खेलमा दामोदर थापा र बुद्ध लामा (बालकुमारी) को जोडीले बाबुरत्न महर्जन र सुबास बानियाको जोडीलाई १९–२१, २१–१७ र २१–१२ ले पराजित गरेको थियो ।

यसैगरी, शिशिर राई र सुरेश तामाङको जोडीले धन बहादुर थापा र सरोज कुमार शाक्यको जोडीलाई २१–१० र २१–१२ को स्कोरले पराजित गरेको थियो । अर्को खेलमा बिनोद महर्जन र सुसन चौधरीको जोडीले सुर बहादुर घलान र रामप्रसाद चौधरीको जोडीलाई २१–८ र २१–१० को अन्तरले पराजित गरेको थियो ।

त्यस्तै, पहिलो खेलमा मन कुमार थापा मगर र अन्जन थापाको जोडीले राज कुमार भण्डारी र लोकेन्द्र थापाको जोडीलाई २२–२० र २१–१० को अन्तरले पराजित गरी दोस्रो राउन्डमा प्रवेश गरेका छन् ।

यो प्रतियोगिता आगामी मंसिर २३ गतेसम्म सञ्चालन हुनेछ ।