दिपायल । नेकपा एमालेको मध्यपहाडी लोकमार्ग केन्द्रित ‘झुलाघाट(चिवाभञ्ज्याङ्ग सङ्कल्प यात्रा’को तेस्रो दिन आज यात्रा टोली अछाम जादै छ ।
शुक्रबार डोटीको सिलगढीमा बास बसेको टोली सिलगढीबाट अछामतर्फ लाग्ने प्रचार तथा प्रकाशन विभागका प्रमुख राजेन्द्र गौतमले जानकारी दिनुभयो ।
उहाँका अनुसार स्थानीबासिन्दाहरुसँग अन्तरक्रिया गर्दै टोली अघि बढ्ने छ । बिहानको खाना साँफेबगरमा खाएर साँझको बास अछामको मङ्गलसेनमा हुने प्रमुख गौतमले जानकारी दिनुभयो ।
उहाँका अनुसार चौखुट्टे,साँफेबगर र बयलपाटामा स्थानीय बासिन्दा,पार्टी कार्यकर्ताहरूसँग भेटघाट हुनेछ । दिउँसो मङ्गलसेनमा आमसभाको तयारी रहेको छ ।
टोलीले आज १०५ किलोमिटर यात्रा गर्ने छ । शुक्रवार टोलीले ७० किलोमिटर यात्रा गरेको थियो । मध्यपहाडको विकास र समृद्धिका लागि एमालेले मध्यपहाडी राजमार्गका २६ वटा जिल्लामा झुलाघाट –चिवाभञ्ज्याङ समृद्धिका सङ्कल्प यात्रा गरेको हो ।
