एजेन्सी । ब्राजिलियन मोडल ब्रुना बियानकार्डीले साउदी क्लब अल–हिलालका फुटबल खेलाडी नेयमारसँगको सम्बन्ध तोडेको घोषणा गरेकी छन् । डेली मेलको रिपोर्ट अनुसार बियानकार्डीले आधिकारिक रूपमा एक अर्कासँग अलग भएको घोषणा गरेकी हुन् ।
ब्राजिलियन फुटबलर र उनकी प्रेमिकाले दुई महिना अघि मात्रै आफ्नो पहिलो सन्तान माभीलाई स्वागत गरेका थिए । नेयमारले बियानकार्डीलाई धोका दिएका अफवाहका बिच उनिहरु छुट्टिएका खबर आएको हो ।
आफ्नो इन्स्टाग्राम स्टोरीमा पोस्ट गर्दै, बियानकार्डीले भनेकी छन्, ‘यो एक निजी कुरा हो, तर म प्राय: समाचार, शंका र मजाकहरूसँग जोडिएको हुनाले, म तपाईंलाई यो जानकारी गराउन चाहन्छु कि म नेमारसँग सम्बन्धमा छैन।’
‘हामी :छोरी माभी को अभिभावक हौं र यो हाम्रो सम्बन्ध को कारण हो। म आशा गर्छु कि तपाईले मलाई समाचार संग सम्बद्ध गर्नुहुनेछैन। धन्यवाद।’, उनले थपेकी छन् ।
नेयमारले हालैका दिनहरूमा बियानकार्डीलाई धोका दिएको आरोपको सामना गर्नु परेको थियो । उनी यसै वर्षको सुरुका दिनमा स्पेनी नाइटक्लबमा दुई फरक महिलासँग पार्टी गरिरहेको फुटेजमा देखा परेको थिए ।
नेयमारको अघिल्लो सम्बन्ध क्यारोलिना डान्टासबाट एक छोरा पनि छ । उनी २०२१ देखि बियानकार्डीसँग सम्बन्धमा रहेका थिए ।
