काठमाडौँ । नेपाल सुपर लिग (एनएसएल)अन्तर्गत आज बुधबार पोखरा थन्डर्स र ललितपुर सिटी एफसीबीच खेल हुँदैछ ।
यी दुई टोलीबीचको खेल साँझ ५ः३० बजे त्रिपुरेश्वरस्थित दशरथ रंगशालामा हुनेछ । दुबै टोली दोस्रो जितको खोजीमा छन् ।
यसअघिको पहिलो खेलमा पोखराले एफसी चितवनलाई १–० ले तथा ललितपुरले बुटवल लुम्बिनी एफसलाई २–० ले हराएको थियो ।
प्रतियोगितामा एक खेलबाट समान तीन–तीन अंक जोडेका ललितपुर तालिकाको दोस्रो र पोखरा चौथो स्थानमा छन् ।
यसअघि हिजो मंगलबार भएको खेलमा साविक विजेता काठमाडौँ रेजर्स र चितवन एफसीले १–१ गोलको बराबरी खेल्दै अङ्क बाडेका थिए ।
