काठमाडौं । नेपाली कांग्रेसका सभापति शेरबहादुर देउवाले पदाधिकारी र पूर्वपदाधिकारीको बैठक बोलाएका छन् ।
धुम्बाराहीमा दिउँसो १ बजे बैठक बस्नेगरी बोलाईएको प्रचार विभाग प्रमुख मीन विश्वकर्माले जानकारी दिए । बैठकमा समसामयिक राजनीतिक विषय र महासमिति बैठकको तयारीलगायत विषयमा छलफल हुने उनले बताए ।
महासमिति बैठकअघि विभागका संयोजक र सदस्यलाई पूर्णता दिने सभापति देउवाको तयारी छ । कांग्रेस महासमिति बैठक पुस १६ देखि १९ गतेसम्म बस्दैछ ।
