काठमाडौँ । नेपाली सुनचाँदी बजारमा आज सोमबार सुनको मूल्यले नयाँ रेकर्ड बनाएको छ ।
लगातार बढिरहेको सुनको मूल्य आज हालसम्मकै उच्च बिन्दुमा पुगेको हो । यसअघि गत कात्तिक ११ गते प्रतितोला एक लाख १७ हजार रूपैयाँमा कारोबार हुँदै सुनले नयाँ रेकर्ड बनाएको थियो ।
आज छापावाल सुनको मूल्य प्रतितोला पाँच सय रुपैयाँले बढेर एक लाख १७ हजार चार सय रुपैयाँ पुगेको नेपाल सुनचाँदी व्यवसायी महासंघले जनाएको छ । आइतबार छापावाल सुन प्रतितोला एक लाख १६ हजार नौ सय रूपैयाँमा कारोबार भएको थियो ।
यस्तै, सोमबार तेजाबी सुन प्रतितोला एक लाख १६ हजार आठ सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १६ हजार तीन सय ५० रूपैयाँमा कारोबार भएको थियो ।
सोमबार चाँदीको मूल्य पनि बढेको छ । आज चाँदी १५ रूपैयाँले बढेर प्रतितोला १ हजार पाँच सय रूपैयाँमा कारोबार भईरहेको महासंघले जनाएको छ । चाँदीको यो मूल्य मूल्य पनि हालसम्मकै उच्च हो ।
