काठमाडौँ । ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ का अभियान्ता दुर्गा प्रसाईंलाई बन्दी बनाइएको भन्दै दायर गरिएको रिट फिर्ता लिन सर्वोच्चमा निवेदन परेको छ ।
प्रसाईंको हकमा रिट निवेदन दिएका वरिष्ठ अधिवक्ता सुरेन्द्र भण्डारीले रिट फिर्ताका लागि निवेदन दिएका हुन् ।
दुर्गा प्रसाईं अहिले बाहिर कार्यक्रममा गइसकेको र घरमा धरपकड नभएको भन्दै रिटको औचित्य सकिएकाले फिर्ता लिन भन्दै वरिष्ठ अधिवक्ता भण्डारीले निवेदन थिएका थिए । रिट फिर्ताका लागि निवेदन दिएपनि सर्वोच्चका न्यायाधीश डा.कुमार चुडालको इजलासमा उक्त रिटमाथि सुनुवाइ भइसकेको छ ।
अब न्यायाधीश चुडालले सुनुवाइ सकिएको र औचित्य सकिएकाले रिट खारेज हुने र निवेदकले नै फिर्ताका लागि निवेदन दिएकाले माग बमोजिम हुने गरी उक्त रिटमा आदेश गर्नेछन् ।
