काठमाडौँ । नेपाली सुनचाँदी बजारमा आज साता कारोबारको पहिलो दिन आइतबार सुन–चाँदीको मूल्य बढेको छ ।
आइतबार छापावाल सुन प्रतितोला छ सय रूपैयाँले बढेर एक लाख १६ हजार नौ सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । शुक्रबार छापावाल सुन प्रतितोला एक लाख १६ हजार तीन सय रूपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १६ हजार तीन सय ५० रूपैयाँमा कारोबार भइरहेको छ । शुक्रबार उक्त सुन प्रतितोला एक लाख १५ हजार सात सय ५० रूपैयाँमा कारोबार भएको थियो ।
त्यसैगरी, आइतबार चाँदीको मूल्य पनि बढेको छ । आज चाँदी प्रतितोला ३५ रूपैयाँले बढेर १४ सय ८५ रूपैयाँमा कारोबार भईरहेको महासंघले जनाएको छ ।
