एजेन्सी । न्यूजिल्याण्डका स्टार फास्ट बलर ट्रेन्ट बोल्टले एकदिवसीय विश्वकप २०२३ मा इतिहास रचेका छन् ।
बिहीबार बेंगलुरुको चिन्नास्वामी स्टेडियममा श्रीलंकाविरुद्ध ५० विकेट पूरा गर्दै उनले उत्कृष्ट कीर्तिमानी बनाएका हुन् । योसँगै एकदिवसीय विश्वकपमा ट्रेन्ट बोल्ट ५० विकेट पूरा गर्ने न्यूजिल्याण्डका पहिलो फास्ट बलर बनेका छन् ।
साथै, ट्रेन्ट बोल्ट विश्व क्रिकेटका उत्कृष्ट बलरको सूचीमा परेका छन् । उनी एकदिवसीय विश्वकपको इतिहासमा ५० विकेट लिने छैटौं बलर बनेका छन् ।
एकदिवसीय विश्वकपमा सर्वाधिक विकेट लिने बलर
१. ग्लेन म्याकग्रा (अष्ट्रेलिया)– ७१
२. मुथैया मुरलीधरन (श्रीलंका)– ६८
३. मिचेल स्टार्क (अष्ट्रेलिया)–५९
४. लसिथ मालिंगा (श्रीलंका)– ५६
५. वसीम अकरम (पाकिस्तान) – ५५
६.ट्रेन्ट बोल्ट (न्यूजिल्याण्ड) – ५०
अन्तर्राष्ट्रिय क्रिकेटमा ६०० विकेट पनि पूरा गरे
ट्रेन्ट बोल्टले अन्तर्राष्ट्रिय क्रिकेटमा ६०० विकेट पनि पूरा गरेका छन् । बोल्ट अन्तर्राष्ट्रिय क्रिकेटमा न्युजिल्यान्डबाट ६०० विकेट पूरा गर्ने तेस्रो बलर बनेका हुन्।
ट्रेन्ट बोल्ट भन्दा पहिले डेनियल भेटोरी र टिम साउदीले न्युजिल्यान्डका लागि अन्तर्राष्ट्रिय क्रिकेटमा ६०० विकेटको अंक पार गरेका छन् । टिम साउथीले अन्तर्राष्ट्रिय क्रिकेटमा अहिलेसम्म ७३१ विकेट लिएका छन् भने ड्यानियल भिटोरीले ७०५ विकेट लिएका थिए । ट्रेन्ट बोल्टले अन्तर्राष्ट्रिय क्रिकेटमा हालसम्म ६०१ विकेट लिएका छन् ।
