काठमाडौँ । अखिल नेपाल फुटबल संघ (एन्फा)का अध्यक्ष पङ्कजविक्रम नेम्वाङविरुद्ध अविश्वासको प्रस्तावमा मतदान सुरु भएको छ ।
हेटौंडामा जारी एन्फाको विशेष साधारण सभामा नेम्वाङविरुद्धको अविश्वास प्रस्तावमा मतदान सुरु भएको हो ।
एन्फाका ४९ सदस्यले गत भदौमा अध्यक्ष नेम्वाङ र महासचिव किरण राईको बर्खास्ती माग गर्दै अविश्वासको प्रस्ताव गरेका थिए । २०७९ असार ६ गते निर्वाचित नेम्वाङले डेढ वर्ष नपुग्दै अविश्वासको प्रस्तावको सामना गरेका हुन् ।
कुल ११० प्रतिनिधि रहेकोमा ८९ जनाले मताधिकार प्राप्त गरेका छ्न् । बर्खास्तीको पक्षमा दुई तिहाई पुगेमा अध्यक्ष नेम्वाङ पद मुक्त हुनेछन् ।
