• ६ श्रावण २०८१, आईतवार
  •      Sun Jul 21 2024
  •   Unicode
Logo

महोत्तरीबाट एकसाथ हराएका ५ किशोरी भेटिए



जनकपुरधाम । महोत्तरीबाट सम्पर्कविहीन भएका पाँचै जना किशोरी फेला परेका छन् । महोत्तरीको औरही नगरपालिका–२ बाट एकसाथ बेपत्ता ५ किशोरी धनुषाको ढल्केबरमा फेला परेका हुन् ।

मंगलबार बिहान औरही नगरपालिका –२ की १६ वर्षीया वसन्ती सदा, १६ वर्षीया प्रतिमा सदा, १८ वर्षिया संगीता सदा, १५ वर्षिया राजन सदा, २० वर्षीया रुबी सदा बेपत्ता भएका थिए ।

इलाका प्रहरी कार्यालय ढल्केवरका प्रहरी निरीक्षक राजकिशोर साहले उनीहरु पाँचै जना ढल्केवरबाट सम्पर्कमा आएको बताएका छन् । उनीहरूलाई सोधपुछपछि जिल्ला प्रहरी कार्यालय जलेश्वर, महोत्तरी पठाउने तयारी गरिएको छ ।

महोत्तरीमा यसअघि पनि दुई पटक किशोरीहरू समूह बनाएर घरबाट बेपत्ता भएपछि प्रहरीले उद्धार गरेको थियो । यसबारे थप अनुसन्धान भईरहेको प्रहरीले बताएको छ ।