काठमाडौं । काठमाडौं लगायत विभिन्न शहरमा कोरोना संक्रमण जोखिम बढेको छ । सरकारले जोखिम बढेको भन्दै सावधानी अपनाउन आग्रह गरेको छ ।
शहीद शुक्रराज ट्रपिकल तथा सरुवा रोग अस्पतालका चिकित्सक डा.अनुप बाँस्तोलाले संक्रमित संख्या बढ्दै गएको र विशेष सावधानी नअपनाउने हो भने भयावह अवस्था आउन सक्ने चेतावनी दिनु भएको छ ।
स्वास्थ्य तथा जनसंख्या मन्त्रालयले सिनेमा हल, विद्यालय, भिडभाड हुने कार्यक्रम लगायतको काम बन्दको सिफारिस गरेको छ । अहिले देखिएको भाइरस पहिले भन्दा बढी संक्रामक देखिएको विभिन्न अनुसन्धानहरुले देखाएको छ ।
