काठमाडौं: नेपालको औपचारिक भ्रमणमा रहनु भएका संयुक्त राष्ट्रसंघका महासचिव एन्टोनीयो गुटेरेसले आज संघीय संसदको संयुक्त सदनलाई सम्बोधन गर्दै नेपाल र अन्य देशले जलवायू परिर्वतनका सन्दर्भमा व्यक्त गरेका प्रतिबद्धता पूरा गर्नु पर्ने बताउनु भएको छ ।
उहाँले भन्नुभयो, मैले राष्ट्रसंघमा जलवायू परिवर्तनका असर कम गर्नेगरी ५०० बिलियन डलर खर्च गर्नु पर्दछ भन्ने प्रस्ताव गरेको छु । यस प्रतिबद्धतालाई पूरा गर्न म यहाँबाट पनि आग्रह गर्दछु ।
महासचिव गुटेरेसले भन्नुभयो, जलवायू परिवर्तनका असर भविष्यमा देखा पर्ने होइनन्, ती आजै परिरहेका छन् । नेपाली जनता पनि जलवायू परिवर्तनका कारण उत्पन्न बाढीपहिरो, डढेलो, हिमाल पग्लनु जस्ता घटनाबाट पीडित भइरहेका छन् । विकासशील मुलुकहरुको प्रतिनिधित्व राष्ट्रसंघमा बढी छ, र मैले राष्ट्रसंघको सुरक्षा परिषदको पुनर्संरचनाका लागि आग्रह गरिरहेको छु जसबाट साना राष्ट्रको आवाज पनि बलियो रुपमा राख्न सकिने छ, उहाँले भन्नुभयो ।
देवराज घिमिरेले महासचिव गुटेरेसले नेपालको संयुक्त बैठकलाई सम्बोधन गरेकामा संसदका तर्फबाट धन्यवाद दिनु भएको थियो ।
तस्बिर : रत्न श्रेष्ठ/रासस
