काठमाडौं । निजामति कमचारी विधेयकले आफुहरुलाई विभेद गरेको भन्दै नायब सुब्बाहरुले सिंहदरबार भित्रै विरोध प्रदर्शन गरेका छन् ।
आफुहरुको वृति विकासमा अवरोध गरेको भन्दै पटक पटक विधेयकलाई परिमार्जन गर्न आग्रह गरेपनि सुनुवाई नभएपछि प्रदर्शन गर्नुपरेको नायब सुब्बाहरुले जनाएका छन् । यधपि सिंहदरबार प्रदर्शन निषेधित क्षेत्र हो ।
नायब सुब्बाहरूको माग यस्तो छ:
१. कर्मचारीलाई निजामती सेवाको पदपूर्ति हुने कुनै पनि परीक्षामा भाग लिन उमेर हद नलाग्ने र कुनै पनि निजामती कर्मचारीले खुल्ला प्रतिस्पर्धाबाट लोकसेवा आयोगको परीक्षा उत्तीर्ण गरेमा अघिल्लो पदको सेवा अवधिसमेत जोड्न पाउने विद्यमान निजामती सेवा ऐन, द्दण्द्धढ को व्यवस्था कायम हुनुपर्ने।
२.रा.प. तृतीय श्रेणी शाखा अधिकृतसरहको पदपूर्तिमा ५० प्रतिशत खुल्ला, ३० प्रतिशत बढुवा र २० प्रतिशतमा आन्तरिक प्रतिस्पर्धाको व्यवस्था हुनुपर्ने। तर कुनै पनि साविकको पदबाट अधिकतम १२ बर्षसम्म पनि बढुवा नभएमा स्वतः बढुवा प्रणालीबाट पदपूर्ति गरेर मात्र खुलातर्फ विज्ञापन गर्नुपर्ने। यो व्यवस्था संघीय निजामती सेवाबाट प्रदेश तथा स्थानीय तहमा समायोजन भई गएका निजामती कर्मचारीको हकमा पनि लागू हुनुपर्ने।
३. रा.प. प्रथम र रा.प. द्वितीय श्रेणीको खुल्लामा प्रतिस्पर्धा गर्न सम्बन्धित पदको लागि आवश्यक न्यूनतम शैक्षिक योग्यता भएको र निजामती सेवाको राजपत्र अनंकित पदमा रहेर ७ र ५ वर्ष काम गरेको भए योग्य हुन पाउनुपर्ने।
४. सबै तहमा श्रेणीगत वा तहगत एउटै व्यवस्था हुनुपर्ने।
५. सरुवा प्रणाली चक्रीय र पूर्वानुमानयोग्य हुनुपर्ने।
