काठमाडौँ । त्रिकोणात्मक टि-२०आई सिरिजको उपाधिका लागि आज घरेलु टीम नेपालले युएई विरुद्ध प्रतिष्पर्धा गर्दैछ । कीर्तिपूरस्थित त्रिवि मैदानमा हुने फाइनल खेल बिहानको ११ बजे सुरु हुनेछ ।
राउण्ड रोबिनको आधारमा खेलाइएको प्रतियोगितामा अपराजित रहँदै नेपाल फाइनलमा पुगेको हो । यता, युएई भने अन्तिम खेलमा हङकङसँग भारी रनको अन्तरले पराजित भएपनि नेट रनरेटका आधारमा फाइनल प्रबेश गरेको थियो ।
यसै प्रतियोगितामा भएको पहिलो खेलमा नेपालले युएईलाई सात विकेटले पराजित गरेको थियो भने दोस्रो खेलमा पाँच विकेटले हराएको थियो । फाइनल खेलमा पनि हराउँदै नेपाल घरेलु मैदानमा सानको साथ उपाधि उचाल्न चाहन्छ ।
त्रिकोणात्मक टि-२०आई सिरिज लगतै नेपलले टी(२० विश्वकप २०२४ को एसिया क्षेत्रको छनोट प्रतियोगिता खेल्दैछ । घरेलु मैदान नेपालमा हुन लागेको खेल यही अक्टोबर ३० ९सोमबार० देखि हुँदैछ । मुलपानी र कीर्तिपुर मैदानमा हुने खेलहरुमा नेपालसहित आठ वटा देशले भाग लिनेछन् । ८ टीमलाई दुई समूहमा राखेर खेलाइने छ भने दुवै समूहका शीर्ष दुई टीम सेमिफाइनलमा प्रवेश गर्नेछन् । फाइनलमा पुग्ने दुई टीम विश्वकपका लागि छनोट हुनेछन् ।
नेपालको समूह ‘ए’ मा सिंगापुर, ओमान र मलेसिया रहेका छन् । समूह ‘बी’मा यूएई, हङकङ, कुवेत र बहराइन रहेका छन् । समूह ‘ए’बाट नेपाल र ओमान तथा समूह ‘बी’बाट यूएई र हङकङ सेमिफाइनलका दावेदार हुन् । नेपाल उपाधिको दावेदारसमेत हो । नेपालले आफ्ना सबै खेलहरु कीर्तिपुर मैदानमा खेल्नेछ । नेपालको पहिलो म्याच सोमबार सिंगापुरविरुद्ध छ ।
