काठमाडौं । इजरायल युद्धमा ज्यान गुमाएका १० जना नेपाली विद्यार्थी मध्ये ३ जनाको शव नेपाल आइपुगेको छ ।
आज विहान ३ जनाको शव त्रिभुवन विमानस्थलमा आइपुगेको हो । उनीहरुको शव छुट्टाछुटै जहाजमा ल्याइएको विमानस्थलले जनाएको छ। चार जनाको शव एकैपटक ल्याउने भनिएपनि एउटा शव दिउँसो १ बजे काठमाडौं आइपुग्ने बताईएको छ ।
इजरायलमा हमासको आक्रमणमा परी मृत्यु भएका १० जना नेपाली विद्यार्थी मध्ये नारायण प्रसाद न्यौपाने, लोकन्द्रसिंह धामी र दिपेश राज विष्टको शव नेपाल आइपुगेको छ । आशिष चौधरीको शव भने दिउँसो १ बजे मात्रै आइपुग्ने इजरायलस्थित नेपाली दुतावासले जनाएको छ ।
