जनकपुरधाम । मधेश प्रदेश अधिवेशनको उद्घाटन गर्न नेकपा एमालेका अध्यक्ष केपी शर्मा ओली जनकपुरधाम आइपुगेका छन् ।
एती एयरलाइन्सको जहाज चढेर जनकपुर विमानस्थल ओर्लिएका ओलीलाई धावनमार्गसम्मै पुगेर नेता तथा कार्यकर्ताहरुले भव्य स्वागत गरेका छन् ।
ओलीलाई स्वागत गर्न सचिव तथा मधेश प्रदेश इन्चार्ज योगेश भट्टराई, रघुवीर महासेठ, केन्द्रीय सदस्य उमाशंकर अरगरियालगायतका नेता विमानस्थल पुगेका थिए ।
विमानस्थलमा सञ्चारकर्मीहरुसँग बोल्दै अध्यक्ष ओलीले प्रचण्ड नेतृत्वको गठबन्धन सरकार पूर्णरूपमा असफल भइसकेको बताएका छन् ।
‘कहिले ढल्छ त्यो नभनौं । तर, यो सरकारको काम छैन’ उनले भने ।
अध्यक्ष ओलीले जनकपुरको महेन्द्र नारायण निधि मिथिला संस्कृति केन्द्रमा प्रदेश अधिवेशनको उद्घाटन गर्ने कार्यक्रम छ ।
