• ३० बैशाख २०८१, आईतवार
  •      Sun May 12 2024
  •   Unicode
Logo
Latest
★   नइका चार कृतिको लोकार्पण ★   राष्ट्रिय नाचघरमा ‘माटोको गीत’ ★   काठमाडौँमा मिथिला थाली चखाउँदै ‘मास्टर सेफ’ सन्तोष ★   राजस्थानलाई ५ विकेटले हराउँदै चेन्नई तेस्रो स्थानमा उक्लियो, प्लेअफको सम्भावना बढायो ★   बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की ★   सर्वोच्चको फैसलाले इन्टरनेट सेवा प्रदायकबाट राजश्व असुलीको बाटो खुल्यो ★   टीकापुरस्थित तीस बिगहा सरकारी जग्गा हिनामिना प्रकरणको कीर्तेतर्फ पनि अनुसन्धान सुरु ★   नदीमा नुहाउने क्रममा डुबेर दुई बालिकाको मृत्यु ★   जीवि राईलाई सरकारले भगाएको भन्ने कुतर्क कसैले पनि गर्न हुँदैन: प्रधानमन्त्री ★   संसदको गतिरोध अन्त्यका लागि सभामुख–प्रमुख सचेतकबीचको छलफल निष्कर्षबिहीन

नेपालमै पहिलोपल्ट एकैव्यक्तिमा एकैचोटी मृर्गौला र कलेजो प्रत्यारोपण



काठमाण्डौ । दुवै मिर्गाैलाले काम गर्न छोडेपछि डायलोसिस गर्दै आएकी भरतपुर महानगरपालिका २६ रोदी गाउँ, दिपेन्द्रनगरकी ३३ वर्षिया सोनाकुमारी थापा भुजेललाई उनकी भाउजु मञ्जुकुमारी क्षेत्री जिसीले आफ्नो एउटा मृर्गौला झिकेर दिएकी छिन् भने सोनाका पति नीरचन्द्र भुजेलले आफ्नो कलेजोको एक टुक्रा काटेर उनको जीवन बचाएका छन् ।

एकै व्यक्तिमा एकैचोटी मृर्गौला र कलेजो प्रत्यारोपण गरिएको संभवत: यो नेपालकै स्वास्थय क्षेत्रको पहिलो घटना हो । तीन वर्षअघिदेखि दुवै मिर्गाैलाले काम गर्न छोडेपछि डायलोसिस गर्दै आएकी सोनाको स्वास्थ्य अवस्थामा कुनै सुधार नआएपछि उनको थप स्वास्थ्य परिक्षण गर्दा कलेजोमा समेत समस्या देखिएपछि उनलाई मिर्गाैला र कलेजो नै प्रत्यारोपण गर्नुपरेको किस्ट अस्पतालले जनाएको छ ।

 

सोनाको किस्ट मेडिकल कलेज शिक्षण अस्पताल ग्वार्काे, इमाडोलमा मृर्गौला र कलेजो एकैचोटी प्रत्यारोपण गरिएको सो अस्पतालका प्रमुख कार्यकारी निर्देशक अमिश पाठकले बताएका छन् । सोमबार विहान ११ बजेदेखि मंगलबार विहान ५ बजेसम्म १८ घण्टा लगाएर सोनाको कलेजो र मिर्गाैला प्रत्यारोपण गरिएको हो ।

प्रमुख कार्यकारी निर्देशक पाठकका अनुसार सोनालाई मृर्गौला र कलेजो प्रत्यारोपण गर्ने कार्य किस्ट मेडिकल कलेजका वरिष्ठ कलेजो र मिर्गाैला प्रत्यारोपण विशेषज्ञको टोलीले भारतको नयाँदिल्लीस्थित इन्द्रप्रस्थ एपोलो अस्पतालका ७ जना वरिष्ठ प्रत्यारोपण विशेषज्ञको टोलीले १८ घण्टा लगाएर सम्पन्न गरेको हो ।

प्रत्यारोपणपछि विरामीको साथै मिर्गाैला दिने सोनाकी भाउजु मञ्जु र उनका पनि नीरचन्द्रको स्वास्थ्य अवस्था सुधारोन्मुख रहेको र उनीहरुलाई प्रत्यारोपणपछि राखिने पोष्ट अपरेटिभ केयर युनिटमा क्रिटिकल केयर व्यवस्थापनको प्रत्यक्ष रेखदेखमा राखिएको छ ।