• १२ असार २०८१, बुधबार
  •      Wed Jun 26 2024
  •   Unicode
Logo
Latest
★   कैलालीमा चट्याङबाट दुईको मृत्यु, छ जना घाइते ★   परराष्ट्रमन्त्री श्रेष्ठ र चीनका उपविदेशमन्त्री वेइतोङबीच भेटवार्ता ★   युरो कपमा आज समूह ‘ई’ का खेलहरु नकआउट जस्तै, चारवटै टिमको ३ अंक ★   ‘इट्स माई शो’ विवादमा सुरजसिंह ठकुरीले भने– ‘मेरो २३ वर्षको समर्पण, ब्रान्ड ध्वस्त भयो’ ★   महासंघ अध्यक्ष ढकालद्वारा नेपालमा थप लगानीका लागि ओपेक फण्डलाई आग्रह ★   राष्ट्रपति पौडेलसँग चिनियाँ उपविदेशमन्त्री वेइडोङको भेट ★   पोखरामा सडक भासिँदा आवागमनमा समस्या ★   चलचित्र ‘मोदीबेनी’को अफिसियल पोस्टर सार्वजनिक, पोस्टरमा वर्षा बनिन् केन्द्र ★   झापामा ११ महिनामा ५१ हजार चालकलाई कारबाही ★   भेरी करिडोरको रिम्नामा सडक अवरुद्ध

आइसिसी विश्वकप क्रिकेट: इङ्ल्यान्डको मध्यम सुरुआत



काठमाडौँ: भारतमा आजदेखि सुरु भएको आइसिसी विश्वकप २०२३ को उद्धघाटन खेलमा इंग्ल्यान्डले न्युजिल्यान्ड विरुद्ध मध्यम सुरुआत गरेको छ ।

भारतको अहमदाबादस्थित नरेन्द्र मोदी स्टेडियममा जारी खेलमा टस जितेर न्युजिल्यान्डले इंग्ल्यान्डलाई ब्याटिङको निम्तो दिएको थियो ।

इङल्यान्डले १७ ओभरमा ३ विकेट गुमाएर ९५ रन बनाएको छ । उसका प्रारम्भिक ब्याट्सम्यान जोनी बेयरस्ट व्यक्तिगत ३३, डी मलान १४ र ह्यारी ब्रुकले २५ रन बनाएर आउट भएका छन् ।

न्युजील्यान्डका लागि म्याट हेन्री, मिचेल सान्टनर र राचिन रबिन्द्रले एकएक विकेट लिएका छन् । अहिले क्रिजमा अनुभवी ब्याट्सम्यान जो रुट र मोइन अलि छन् ।

सन् २०१९ को विश्वकपमा इंग्ल्यान्डले नाटकिय रुपमा न्युजिल्यान्डलाई हराएको थियो । सुपर ओभर पनि टाई भएपछि इंग्ल्यान्डले चौका र छक्का बढी प्रहार गरेको आधारमा न्युजिल्यान्डलाई पछि पार्दै उपाधि जितेको थियो । न्युजिल्यान्ड आज उक्त खेलको बदला लिन चाहन्छ ।

एकदिवसीय क्रिकेटमा हालसम्म इङ्ल्यान्ड र न्युजिल्याण्डबीच कुल ९५ खेल भएका छन् । जसमा इंग्ल्याण्डले ४५ खेल जितेको छ भने न्युजिल्यान्डले ४४ जितेको छ । दुई टोलीबीचको दुई पटकको खेल बराबरीमा टुंगिएको थियो भने चार खेलको नतिजा निस्केको थियो ।

न्युजिल्याण्ड टिम
डेभोन कोनवे, विल यंग, ​​रचिन रविन्द्र, डेरिल मिचेल, टम लाथम (कप्तान, विकेटकिपर), ग्लेन फिलिप्स, मार्क च्यापम्यान, जेम्स निशाम, मिचेल सान्टनर, म्याट हेनरी, ट्रेन्ट बोल्ट ।

इंग्ल्याण्ड टिम
जोनी बेयरस्टो, डेविड मलान, जो रुट, ह्यारी ब्रुक, जोस बटलर (कप्तान, विकेटकिपर), लियाम लिभिङस्टोन, मोइन अली, साम कुरान, क्रिस वोक्स, आदिल रसिद, मार्क वुड ।