काठमाडौं । आज विनिमय दरमा अमेरिकी डलरको मूल्यले नयाँ रेकर्ड बनाएको छ । लगातार बढ्दो क्रममा देखिएको डलरको मूल्य शुक्रबार हालसम्मकै उच्च भएको हो ।
नेपाल राष्ट्र बैंकले शुक्रबार सार्वजनिक गरेको विनिमय दरको अनुसार आज अमेरिकी डलर एकको खरिद दर १३२ रुपैयाँ ८४ पैसा र बिक्री दर १३३ रुपैयाँ ४४ पैसा कायम गरिएको छ ।
बिहीबार डलरको खरिददर १३२ रुपैयाँ ७२ पैसा र बिक्री दर १३३ रुपैयाँ ३२ पैसा थियो । यसअघि भदौ १ मा डलरको खरिद मूल्य १३२ रुपैयाँ ७४ पैसा र बिक्री मूल्य १३३ रुपैयाँ ३४ पैसा पुगेको थियो ।
यस्तै आज, क्यानेडियन डलर एकको खरिददर ९७ रूपैयाँ २९ पैसा र बिक्रीदर ९७ रूपैयाँ ७३ पैसा तोकिएको छ । युरोपियन युरो एकको खरिदमा १४२ रूपैयाँ २६ पैसा र बिक्रीमा १४२ रूपैयाँ ९१ पैसा पाइन्छ ।
त्यसैगरी, अष्ट्रेलियन डलर एकको खरिददर ८४ रूपैयाँ ८२ पैसा र बिक्रीदर ८५ रूपैयाँ २० पैसा तोकिएको छ भने बेलायती पाउण्ड स्टर्लिङ एकको खरिददर १६५ रूपैयाँ ६१ पैसा र बिक्रीदर १६६ रूपैयाँ ३६ पैसा तोकिएको छ।
यस्तै, राष्ट्र बैंकले कतारी रियाल एकको खरिददर ३६ रूपैयाँ ४३ पैसा र बिक्रीदर ३६ रूपैयाँ ६० पैसा तोकेको छ। साउदी अरेबियन रियाल एकको खरिददर ३५ रूपैयाँ ४२ पैसा र बिक्रीदर ३५ रूपैयाँ ५८ पैसा तोकेको छ भने युएई दिराम एकको खरिददर ३६ रूपैयाँ १७ पैसा र बिक्रीदर ३६ रूपैयाँ ३३ पैसा तोकेको छ ।
मलेसियन रिंगिट एकको खरिदमा २८ रूपैयाँ ३९ पैसा र बिक्रीमा २८ रूपैयाँ ५२ पैसा तोकिदा कुवेती दिनार एकको खरिददर ४३० रूपैयाँ ६६ पैसा र बिक्रीदर ४३२ रूपैयाँ ६० पैसा तोकेको छ ।
