काठमाडौं । नेकपा माओवादी केन्द्रका अध्यक्ष प्रचण्डले प्रधानमन्त्री केपी ओलीलाई यो संसदसँग विश्वासको मत लिने नैतिक अधिकार नरहेको बताएका छन् । प्रचण्डले प्रश्न गरे, यो संंसद ओलीले विघटन गरेको, सांसदहरुलाई तिमीहरु मर्यौ भनेको अहिले पनि ताजै रहेकोले कुन विश्वास र नैतिकताका आधारमा आज यही सदनसँग विश्वासको मत लिँदै हुनुहुन्छ ?
प्रधानमन्त्रीको दम्भले देशलाई यो अवस्थामा पुर्याएको हो प्रचण्डले भने । प्रधानमन्त्री जस्तो व्यक्तिले नैतिकता नराखेको, विगतमा पार्टी एकताका क्रममा पार्टी र सरकारमा पालो पालो सहमति भएकोमा त्यो सबै भंग गरेको बताए ।
नेपाली जनताले पाँच वर्षका लागि दिएको जनमत दुई तिहाइको जनमतलाई लात हानेर संसदै विघटन गरिदिने प्रधानमन्त्रीले अहिले पनि मौका मिलेपछि फेरि विघटन नै गर्छु भन्ने प्रधानमन्त्रीले प्रतिशोध राखेको बताए ।
संवैधानिक संरचना कायम गर्नुको सट्टा ती कब्जा गर्ने, आज संसद बैठक चल्दैछ हिजो किन अध्यादेशमार्फत् संवैधानिक परिषदले नियुक्ति सिफारिश गरेको ? उनले प्रश्न गरे । प्रचण्डले संघीयता र समावेशिता पनि ओलीले संविधानमा ल्याउन नखोजेको आरोप पनि लगाए ।
संधिवान बनाउने बेलाको प्रसंग स्मरण गर्दै प्रचण्डले भने, तपाई प्रधानमन्त्रीले उ बेला संविधान बनाउने बेलामा नै हावाहुरी आयो मैले संघीयता मानिदिएँ भन्नुभएको होइन ?
उनले ओलीलाई निरंकुश र अलोकतान्त्रिक शसाक भएको बताए । उनले भने, बरु ज्यान जाला तर कुर्सी छोड्दिन भनेर लागेको होइन ? यसरी तपाईको चरित्र कसरी लोकतान्त्रिक हुन्छ ?
