काठमाडौं । नेपालमा थप ९ हजार २७१ जनामा कोरोना भाइरसको संक्रमण पुष्टि भएको छ । देशभर पछिल्लो २४ घण्टामा गरिएको परीक्षणमा उक्त संक्रमित थपिएका हुन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घन्टामा ४ हजार ७ जना निको भएका छन् भने १३९ जनाको कोरोना संक्रमणबाट मृत्यु भएको छ ।
सोमबार सम्म कोरोनाबाट संक्रमित हुनेको संख्या ४ लाख ३ हजार ७९४ जना पुगेको छ । यस्तै हाल देशभर सक्रिय संक्रमित संख्या ९३ हजार १४१ पुगेको छ ।
