काठमाडौं । सुन तस्करी प्रकरणमा सीआईबीले थप चार जनालाई पक्राउ गरेको छ ।
नेपाल प्रहरीका केन्द्रीय प्रवक्ता कुवेर कडायतको अनुसार यस प्रकरणमा केन्द्रीय अनुसन्धान ब्यूरो(सीआईबी)ले थप चार जना चिनियाँ नागरिकलाई पक्राउ गरेको हो ।
यसअघि सुन प्रकरणमा १७ जना पक्राउ परिसकेका छन् ।
राजस्व अनुसन्धान विभागले यही साउन ३ गते सिनामङ्गलस्थित भन्सार कार्यालय अगाडिबाट सुनसहितको एक सय ५५ किलो ‘ब्रेक शु’ बरामद गरेको थियो । उक्त सुन गालिएपछि भने ६० किलो ७१६ ग्राम भएको थियो ।
अहिले सुन तस्करीबारे सिआइबीले अनुसन्धान गरिरहेको छ ।
