काठमाडौं । नक्कली शैक्षिक प्रमाणपत्र प्रकरणमा पक्राउ गरेका कांग्रेस सांसद सुनिल शर्माले आफूमाथि प्रहरीले हातपात गरेको बताएका छन् ।
म्याद थपका लागि अदालतबाट बाहिरिने क्रममा शर्माले आफूमाथि दुईपटक हातपात भएको बताएका हुन्।
’ममाथि प्रहरीले दुई पटक हातपात गरेको छ । हातपात गर्न मिल्ने हो ? यो कुरा ममाथि भएको छ’, उनले भने । सांसद शर्मानिकट कार्यकर्ताले हातपातबारे बुझ्न खोज्दा उनलाई प्रहरीले घेरा हालेर भ्यानमा राखी लगेको छ ।
सिआइबी प्रमुख किरण बज्राचार्यले सांसद शर्मामाथि हातपात भएको बारे आफूलाई थाहा नभएको र त्यस्तो नहुने दावी गरिन् ।
सीआइबीले बिहिबार नक्कली शैक्षिक प्रमाणपत्र प्रकरणमा सांसद शर्मालाई पक्राउ गरेको थियो । यस प्रकरणमा प्रहरीले हालसम्म आठ जनालाई पक्राउ गरिसकेको छ । सिआइबीले फक्सट्रट चार्ली अपरेशन देशभरि चलाएर नक्कली शैक्षिक प्रमाणपत्र लिने चिकित्सकहरूलाई पक्राउ गरिरहेको छ ।
