काठमाडौं । प्रतिपक्ष नेकपा एमालेले राष्ट्रियसभाको बैठकमा पनि अवरोध गरेको छ ।
सुन तस्करी प्रकरणमा उच्चस्तरीय छानविन समितिको माग गर्दै एमाले सांसदहरुले विरोध जनाएपछि कार्यसूचीमा प्रवेश नगरि बैठक स्थगीत गरिएको हो ।
आकस्मीक समयपश्चात अध्यक्ष गणेश तिमिल्सिनाले अन्य कार्यसूची अघि बढाउन खोज्दा एमालको सांसदहरुले विरोध जनाएका थिए । एमालेले विरोध जनाएपछि सत्ता पक्षका सांसदहरुले सहज रुपमा सभा सञ्चालन हुनुपर्ने र सवैले बोल्न पाउनुपर्ने भन्दै विरोध गरेका थिए ।
सत्तपक्ष र प्रतिपक्षीबीच वाद–प्रतिवादपछि अध्यक्ष तिमिल्सिनाले सहज रुपमा बैठक सञ्चानल गर्न आग्रह गरेका थिए। राष्ट्रियसभाको अर्को बैठक साउन २६ गतेलाई बोलाइएको छ ।
