एजेन्सी । गत बिहिबार (इद) देखि रिलिज भएको फिल्म राधेः योर मोस्ट वान्टेड भाईले राम्रो कमाइ गर्न सफल भएको छ । आँकडालाई हेर्दा भारतमा मात्र पहिलो दिन यस फिल्मले १२५ करोडको कलेक्शन गरेको छ ।
यो सलमान खानको कुनैपनि फिल्ममध्ये अहिलेसम्म सबैभन्दा ठूलो ओपनिंग हो । सलमानको कुनैपनि फिल्मको सबैभन्दा ठूलो ओपनिंग उनको पछिल्लो फिल्म भारत रहेको छ । जसले रिलिजको दिन ४२ करोड ३० लाख कमाई गरेको थियो ।
जी फाइभको मुख्य व्यवसाय अधिकारी मनीष कालराका अनुसार यदि सलमानको फिल्म सिनेमा घरमा १ करोड मानिसले हेरेमा त्यस फिल्मले थोरैमा पनि दुई सय करोड कमाई गर्ने थियो । जी स्टुडियो, जी५ र जी सिनेप्लेक्सले मिलेर फिल्म रिलिजको नयाँ रेकर्ड राखेका छन् ।
पहिलो दिनमा ४२ लाख दर्शकले राधे फिल्म हेरे । फिल्मको प्ले बटन दबाएपछि ६ घण्टाभित्र यो फिल्म हेर्नका लागि दर्शकले २९९ रुपैया खर्च गर्नुपर्यो । यो हिसाबले फिल्मले पहिलो दिन १२५ करोडको कमाई भारतमा मात्र गर्यो । यस्तै विदेशमा पहिलो दिनमा यस फिल्मले ४.५ करोड कमाई गरेको थियो ।
