एजेन्सी । तपाई कुनै न कुनै बेला अस्पताल जानुभएको हुनुपर्छ वा फिल्ममा अपरेसन थिएटरको दृश्य देख्नु भएको होला । के तपाईंले कहिल्यै डाक्टर र नर्सहरूको पोशाक होसियारीपूर्वक हेर्नुभएको छ ? अस्पतालमा स्वास्थ्य परीक्षणका लागि बसेका डाक्टरले सेतो रङको लुगा लगाउछन् तर अपरेशन थिएटरमा काम गर्दा पोशाक फेरिन्छ ।
यो किन हुन्छरु के यसको विज्ञानसँग कुनै सम्बन्ध छ वा यो केवल एक परम्परा होरु शल्यक्रिया गर्दा डाक्टरहरूले किन हरियो वा नीलो कपडा मात्र लगाउँछन्, जानौं।
पहिले अस्पतालका सबै चिकित्सक र कर्मचारीले सेतो कपडा लगाउने गर्थे । तर सन् १९१४ मा चिकित्सकको लागि भनेर हरियो रंग छुट्याईएको थियो । त्यसयता यसलाई ड्रेस कोडको रुपमा बुझिन्थ्थो । तर, आजकल जो कोही डाक्टरहरू पनि नीलो लुगा लगाउँछन्।
अपरेसन थिएटरमा यी दुई रङको लुगा लगाउनुको पछाडि एउटा खास कारण छ । क्लिनिक र अस्पतालमा डाक्टरहरूले सेतो लुगा लगाउँछन् तर अपरेसन थिएटरमा जाँदा लुगा हरियो वा नीलो हुन्छ भन्ने तपाईंले याद गर्नुभएको होला। किनभने डाक्टर र नर्सहरूको आँखालाई यी रङहरूबाट राहत मिल्छ। यसका पछाडि केही वैज्ञानिक कारण पनि छन् ।
कतिपय अवस्थामा चिकित्सकले लामो समयसम्म अपरेशन थिएटरमा शल्यक्रिया गर्नुपर्ने हुन्छ । यस्तो अवस्थामा लामो समयसम्म रगतको रंग रातो देखिने गर्छ । लामो समयसम्म आँखाको अगाडि रातो रङ रह्यो भने आँखामा धेरै तनाव हुन्छ । जसका कारण धेरै पटक चिकित्सकहरुले शल्यक्रियामा ध्यान दिन सक्दैनन् । उनीहरुको आँखाले लामो समयसम्म रातो रङ देख्न नपरोस्, त्यसैले चिकित्सकहरुले शल्यक्रिया गर्दा हरियो कपडा लगाउने गर्छन् ।
