काठमाडौँ । नेपाली कांग्रेस केन्द्रीय समिति बैठक आज पनि बस्दै छ । बैठक केन्द्रीय पार्टी कार्यालय सानेपामा दिउँसो ४ बजे बस्ने गरी बोलाइएको हो ।
साउन २ गतेदेखि जारी बैठकमा केन्द्रीय सदस्यहरूले आफ्नो धारणा राखिसकेका छन् । सोमबारको बैठकमा पनि पार्टी पदाधिकारी उपसभापति द्वय पूर्णबहादुर खड्का र धनराज गुरुङ, महामन्त्री द्वय गगनकुमार थापा र विश्वप्रकाश शर्मा, केन्द्रीय सदस्यहरू कृष्णप्रसाद सिटौला, सीता गुरुङ र राजीव कोइरालाले आ–आफ्नो धारणा राखेका थिए ।
आज बुधबारको बैठकमा सभापति शेरबहादुर देउवाले केन्द्रीय समिति बैठकको निष्कर्ष दिने कार्यक्रम रहेको जनाइएको छ ।
