काठमाडौँ । ललितपुरको चापागाउँ दोबाटोस्थित बीच सडकमा ट्राफिक प्रहरी कुट्ने युवक पक्राउ परेका छन् ।
ड्युटीमा खटिएका ट्राफिक प्रहरी हवलदार सुनिल शाहमाथि निर्घात कुटपिट गर्ने ताप्लेजुङ घर भई चापागाउँ दोबाटोमा मोबाइल पसल गर्ने २६ वर्षीय विश्वास राईलाई प्रहरीले पक्राउ गरेको हो ।
शुक्रबार दिउँसो राईले ट्राफिक व्यवस्थापनमा काम गरिरहेका हवलदार शाहसँग निहुँ खोजी एक्कासी कुटपिटमा उत्रिएका जिल्ला प्रहरी परिसर ललितपुरका प्रवक्ता एसपी नवराज कार्कीले जानकारी दिए।
राईलाई सोही दिन पक्राउ गरी सातदोबाटो प्रहरी वृत्तमा राखिएको छ। उनीविरूद्ध अभद्र व्यवहारमा मुद्दा चलाउने एसपी कार्कीले जानकारी दिए। घटनाबारे थप अनुसन्धान भइरहेको छ ।
