काठमाडौं । नेकपा एमालेले वागमती प्रदेशको राष्ट्रियसभा सदस्यको निर्वाचनमा पार्टीका उम्मेदवार रामवहादुर थापालाई पराजित गर्न सक्रिय भूमिका खेलेको भन्दै १४ जना प्रदेश सांसदसँग स्पष्टिकरण सोध्ने भएको छ ।
वागमती प्रदेशका मुख्यमन्त्री तथा संसदीय दलका नेता डोरमणी पौडेलको अध्यक्षतामा आज बसेको संसदीय बोर्डको बैठकले राजेन्द्र पाण्डे र अष्टलक्ष्मी शाक्यसहित १४ जनासँग २४ घण्टे स्पष्टिकरण माग्ने निर्णय गरेको हो ।
आफ्नै पार्टीका उम्मेवारलाई पराजित गर्न अगुवाई गरेको भन्दै १४ जना प्रदेश सभा सदस्यलाई आइतवार साँझ ५ बजेसम्म स्पष्टिकरण पेश गर्न भनिएको छ ।
स्पष्टिकरण सोधिनेहरुः
१. अष्टलक्ष्मी शाक्य
२. राजेन्द्रप्रसाद पाण्डे
३. अरुण प्रसाद नेपाल
४. बसन्तप्रसाद मानन्धर
५. रचना खड्का
६. कृष्णप्रसाद खनाल शर्मा
७. शान्तिप्रसाद पौडेल
८. मुनु सिग्देल
९. इन्दमाया गुरुङ
१०. मिना ज्ञवाली
११. बसुन्धरा हुमागाईँ
१२. लक्ष्मण लम्साल
१३. कुसुम कुमार कार्की
१४.पार्वती सिलवाल
