• ५ असार २०८१, बुधबार
  •      Wed Jun 19 2024
  •   Unicode
Logo
Latest
★   नेपालमा प्रत्येक वर्ष ५.०६ प्रतिशतका दरले लागुऔषध प्रयोगकर्ताको संख्या बढ्दै ★   असार ७ गतेदेखि ९ गतेसम्म प्रथम सहकारी रोजगार मेला–२०८१ हुँदै ★   शिलाजीतमा यस्तो के छ, जसले शरीरलाई अपार शक्ति दिन्छ ? ★   मन्त्रालयको बजेट पुन:लेखन गर्नुपर्छ: प्रमुख सचेतक लेखक ★   प्रधानमन्त्री आफैँ खेलकुद क्षेत्रमा गम्भिर बन्नुपर्छ: मेटमणि चौधरी ★   दीपेन्द्रसिंह ऐरीको छलाङः टी-२० विश्व वरीयताको अलराउन्डरको छैटौं स्थानमा उक्लिए ★   संसदीय छानबिन विशेष समिति कानूनी परामर्शमा ★   सरकारले दुध किसानलाई वक्यौता रकम तत्काल उपलब्ध गराउनुपर्छ: दीपकबहादुर सिंह ★   सरकारले राष्ट्रिय खेलाडीलाई आवश्यक मासिक तलवको व्यवस्था गर्न नसकेकोमा एमाले सचिव आचार्य असन्तुष्ट ★   श्रद्धा कपुरले राहुलसँगको रिलेसनसिपको पुष्टि गरिन्

महामन्त्रीको प्रतिवेदन एनजीओको जस्तो– आरजु राणा



काठमाडौँ । नेपाली कांग्रेसकी केन्द्रीय सदस्य आरजु राणाले महामन्त्री गगन थापाले ल्याएको राजनीतिक प्रतिवेदन एनजीओको रिपोर्ट जस्तो भएको टिप्पणी गर्नुभएको छ ।

सानेपामा जारी केन्द्रीय समिति बैठकमा धारणा राख्ने क्रममा आज चौथो दिन उहाँले कांग्रेसले दूरगामी रणनीतिसहितको योजना ल्याउनुपर्ने भन्दै तर महामन्त्री थापाको राजनीतिक प्रतिवदेन दूरगामी खालको नदेखिएको टिप्पणी गर्नुभयो ।

बैठकको पहिलो दिन महामन्त्री थापाले पेश गरेको २१ पृष्ठको कार्ययोजना प्रस्तुत गर्नुभएको थियो । “देश कतातिर जाने, राजनीति कतातिर जाने दूरगामी र देशलाई हाँक्ने केही देखिएन । म अचम्भित भएँ महामन्त्रीको प्रतिवेदन राजनीतिक दस्तावेज आउँछ होला सोचेको थिएँ । तर, एउटा एनजीओको रिपोर्ट जस्तो लाग्यो । धेरै कार्यक्रम गर्ने तर त्यसको उपलब्धि के हो त ? क्लियर के हो त ?” उहाँले भन्नुभयो ।

उहाँले पार्टीका मन्त्रीहरूबाट पनि अपेक्षित काम उठ्न नसकेको टिप्पणी गर्दै भन्नुभयो, “हाम्रा मन्त्रीहरू प्रिपिअर नै हुनुहुन्छ । सिक्दासिक्दै नबुझी मन्त्रालय गइसक्छ । पार्टीभित्र मन्त्रालयको लिंक हुनुपर्‍यो ।”

घोषणापत्रलाई चुनावमा मात्र सीमित गर्न नहुने धारणा राख्दै केन्द्रीय सदस्य राणाले भन्नुभयो, “घोषणापत्रसँग सरकाको नीति, काम नियम लिंक गर्नुपर्‍यो । चुनावसँग मात्र हो र घोषणापत्र रु अनिमात्र भोट बैंक बढ्छ ।”

संगठन विस्तारमा प्रशिक्षणलाई प्राथमिकता राख्नुपर्ने उहाँको भनाइ थियो । नम्बर बढाएर केही हुँदैन, वडामा सदस्यमात्र बढाएर हुँदैन भन्दै उहाँले भन्नुभयो, “क्रियाशील सदस्यभन्दा कम भोट आएका वडाहरू मलाई थाहा छ ।”

राणाले पार्टी नेतृत्वको आलोचना गर्नेप्रति पनि आक्रोश पाख्दै भन्नुभयो, “आफ्नै पार्टीलाई ओपनमा क्रिटिसाइज गर्न छाड्नुपर्‍यो । राजनीति कहिल्यै पनि सहज छैन । राजनीति गर्न असहज हुन्छ भने डराएर बस्नेले मैदान छाडेर जानुपर्‍यो । हाम्रो भोट हामी आफैँ काटिरहेका छौं । कसैले पनि हराउन सक्दैन ।