२१ चैत्र २०८१, बिहीबार
April 3, 2025 Thursday

27.27°C

काठमाडौं

27.27°C

Kathmandu

Feels-like: 26.18

Wind: 5.14

Humidity: 17

Latest
प्रधाानमन्त्री ओली र श्रीलङ्काका प्रधानमन्त्री अमरासुरियाबीच भेटवार्ता अफगानिस्तानद्वारा नेपाललाई ३०१ रनको चुनौती गाजा ‘मृत्युको जाल’ बनेको राष्ट्रसङ्घीय अधिकारीको भनाइ मानव जातिको सुरक्षित र समृद्ध भविष्यका लागि साझा प्रयास आवश्यक: प्रधानमन्त्री प्रमुख प्रशासकीय अधिृकत गुरागाईंले गरे हाजिर काठमाडौँका नदी र खोलाबाट स्वयंसेवकद्वारा फोहर सङ्कलन कोठामा बसेर निर्देशन नदिन मेयर बालेनलाई उपमेयर डंगोलको चेतावनी बागलुङमा पिकअप दुर्घटना हुँदा एकको मृत्यु आन्दोलनरत शिक्षकलाई वार्तामा आउन सरकारको आग्रह प्रधानमन्त्री ओली र भारतीय प्रधानमन्त्री मोदीबीच कहिले हुँदैछ भेटवार्ता ?
तपाईं के खोज्दै हुनुहुन्छ ?

कुशलको दमदार प्रदर्शनमा नेपालले युएईलाई ३ विकेटले हरायो



file photo can
अ+ अ-

काठमाडौं । एसीसी इमर्जिङ टिम्स एसिया कपको आफ्नो अन्तिम खेलमा नेपालले जित हात पारेको छ । कुशल भुर्तेलको ६ विकेट तथा सानदार अर्धशतकको मद्धतमा नेपालले युएई ए लाई ३ विकेटले पराजित गरेको हो ।

पि सारा ओभल कोलोम्बोमा सम्पन्न खेलमा युएईले दिएको १ सय ५८ रनको लक्ष्य नेपालले २३ ओभरमा ७ विकेट गुमाएर पूरा गर्यो । नेपालका लागि ओपनर कुशल भुर्तेलले ४३ बलमा ७१ रनको सानदार अर्धशतक बनाए । भुर्तेलले ९ चौका र ४ छक्का प्रहार गरेका थिए ।

यस्तै, सन्दीप जोरा र देव खनालले समान २४र२४ रन बनाए । युएईका लागि मोहम्मद फजुरुद्दिनले ५ तथा मोहम्मद जगदुल्लाहले २ विकेट लिए ।

त्यसअघि टस जितेर टस जितेर पहिले ब्याटिङ थालेको युएईले ४४ ओभरमा अलआउट हुँदै १५७ रन जोडेको हो । उसका लागि लवप्रित सिंहले सर्वाधिक ५२ रन जोडे । ८२ बल खेलेका उनले ६ चौका र १ छक्का प्रहार गरे ।

यस्तै, इथान डीसुजाले २५ बलमा १८, यशवान्त वल्थपाले ३२ बलमा १६, आर्यान्स शर्माले ३० बलमा १४ रन जोड्दा अन्य ब्याट्सम्यानले दोहोरो अंक जोड्न सकेनन् ।

बलिङतर्फ नेपालका लागि कुशल भुर्तेलले ६ विकेट लिए भने मौसम ढकालले २ तथा कुशल मल्ल र पवन शर्राफले १–१ विकेट लिए । राष्ट्रिय टोलीबाट भुर्तेलले एकै ईनिङमा लिएको यो सर्वाधिक विकेट हो ।

यस प्रतियोगितामा ६ टोली सहभागीता रहेको छ । सहभागी टोलीहरुलाई दुई समूहमा विभाजन गरिएको छ । हरेक समूहका शिर्ष दुई टोली सेमिफाइनलका लागि छानिने छन् । सेमिफाइनल खेल २१ जुलाईमा हुनेछ ।

समूह ए बाट श्रीलंका ए र बंगलादेश ए ले सेमिफाइनलमा स्थान बनाइसकेका छन् भने समूह बी बाट भारत ए र पाकिस्तान ए ले सेमिफाइनलको टिकट काटेका छन् । भारत र पाकिस्तानबीचको खेल जारी छ । विजयी टोली समूह विजेता बन्नेछ भने पराजित टोली उपविजेता बन्दै सेमिफाइनल खेल्नेछ ।

सेमिफाइनलका दुई विजेता उपाधिका लागि भिड्ने छन् । फाइनल खेल २३ जुलाईमा हुनेछ ।