काठमाडौ । प्रतिनिधिसभा विघटनविरुद्ध गर्ने कार्य संविधान बिपरित भएको भन्दै सर्वोच्च अदालतमा दायर रिटको सुनुवाई गर्ने संवैधानिक इजलासका को को श्रीमानहरु रहनुहुन्छ भन्ने सर्वत्र चासो रहेका छ । सर्वोच्च अदालतबाट आउने आदेशले मुलकको नै राजनीतिक दिशा तय गर्ने हुनाले पनि संवैधानिक इजलास प्रति चासो बढ्को हो । विघटित प्रतिनिधिशभाका १४६ सांसद उपस्थित भएर दायर गरेको रिटमाथि १३ गतेबाट सुनुवाई हुने सर्वोच्च प्रशासनले जनाएको छ ।
योसंगै प्रधानन्यायाधीश चोलेन्द्रशमशेर राणाले कुन कुन न्यायधीस राखेर संवैधानिक इजलास गठन गर्नुहुन्छ होला भन्ने चासो हुनु स्वभाविक नै हो । स्वतन्त्र न्यायपालिकाको निष्पक्षता र उसको न्यायिक भूमिकामाथि आमरुपमै प्रश्न उठिरहेको समयमा प्रधानन्यायधीश राणाले छान्ने सहकर्मीहरु कस्ता होलान् ।
प्रधानन्यायाधीश राणालाई राम्रोसंग बुझेका एक वरिष्ठ अधिवक्ताका अनुसार यस पटक उहाँले मिरा खड्का, बिश्वम्भरप्रसाद श्रेष्ठ, तेजबहादुर केसी, ईश्वर खतिवडा र डा। आनन्दमोहन भट्टराईमध्येबाट नै छनौट गर्नसक्नु हुन्छ होला।
यसअघि पहिलो पटक प्रतिनिधिसभा विघटन हुदा प्रधानन्याधीश राणाले हरिकृष्ण कार्की, विश्वम्भरप्रसाद श्रेष्ठ, तेजबहादुर केसी, अनिल सिन्हा रहनुभएको बेञ्च गठन गर्नुभएको थियो । तर सुनुवाईका क्रममा कानूनव्यवसायीहरुले न्यायधीस हरिकृष्ण कार्कीको निष्पक्षतामा प्रश्न उठाएपछि कार्कीले बेञ्चमा नबस्ने घोषणा गरेपछि सपना मल्ल प्रधानलाई लगिएको थियो ।
ती वरिष्ठ अधिबक्ताका अनुसार सरप्राईज फैसला गर्ने प्रधानन्यायधीस राणाको शैलीका कारण यसपटक अघिल्लो बेलाको जस्तो ईजलास गठनमा नै विवाद नहोस भन्ने कुरामा उहाँ सचेत जस्तो देखिनुभएको छ । संबिधान अनुसार जटिल संवैधानिक प्रश्नको छिनोफानो संवैधानिक इजलासले गर्ने व्यवस्था छ ।
धारा १३७ मा संवैधानिक इजलास गठनको व्यवस्था गरिएको छ । सो धाराअनुसार सर्वोच्चमा एक संवैधानिक इजलास रहने र त्यसमा प्रधानन्यायाधीश र न्यायपरिषद्को सिफारिसमा प्रधानन्यायाधीशले तोकेका अन्य न्यायाधीश रहने प्रावधान छ ।
