एजेन्सी । भारतको नयाँ दिल्ली राज्यका मुख्यमन्त्री अरवीन्द केजरीवालले सबै नागरिकलाई रुसी खोप ‘स्पुतनिक भि’ उपलब्ध गराउने बताएका छन् ।
निर्माता कम्पनीले खोप दिल्लीलाई दिन सहमत भएको पनि उनले उल्लेख गरेका छन् ।
यद्यपि, यस खोपको कति डोज दिइन्छ भन्ने उनले खुलाएका छैनन् ।
स्पुतनिक रूसमा निर्मित कोरोनाविरुद्धको खोप हो । आपत्कालीन प्रयोग लागि भारत सरकारले यो खोपलाई स्वीकृति दिसकेको छ ।
यता यसभन्दा पहिले एस्ट्रोजेनिका र मोडर्ना कम्पनीले खोप राज्य सरकारलाई सिधै बिक्री गर्न अस्वीकार गरिसकेका छन् ।
पछिल्लो २४ घण्टामा भारतमा २ लाख ८ हजार ८८६ नयाँ संक्रमित फेला परेका छन् भने ४ हजार १७२ जनाले यसको संक्रमणबाट ज्यान गुमाएका छन् ।
हालसम्म कोरोना संक्रमित हुनेको संख्या २ करोड ७१ लाख ५६ हजार ३८२ रहेको छ । जसमध्ये २ करोड ४३ लाख ४३ हजार २९९ संक्रमित निको भएका छन् ।
