काठमाडौँ । पूर्वमुख्यसचि डा विमल कोइरालाले ललिता निवास जग्गा हिनामिना प्रकरणमा सञ्चार तथा सूचना प्रविधिमन्त्री कृष्णबहादुर राउतलाई पक्राउ गरिएको विषयप्रति असन्तुष्टि प्रकट गर्नुभएको छ ।
भौतिक पूर्वाधार मन्त्रालयमा शाखा अधिकृत हुँदा राउतले नक्कली मोहीलाई ललिता निवासको जग्गा दिने निर्णयको टिप्पणी उठाएको आधारमा नेपाल प्रहरीको केन्द्रीय अनुसन्धान ब्युरो ९सीआईबी० ले आइतबार पक्राउ गरेको हो ।
ललिता निवास जग्गासम्बन्धी निर्णय तत्कालीन प्रधानमन्त्रीद्वय माधवकुमार नेपाल र डा बाबुराम भट्टराईको कार्यकालमा भएको थियो ।
पूर्वमुख्यसचिव डा कोइरालाले सामाजिक सञ्जाल फेसबुकमा स्टाटस राख्दै उपल्लो निर्णयकर्तालाई केरकार नगरी तल्लो तहकोलाइ समात्नु ठिक नभएको बताउनुभएको छ ।
उहाँले भन्नुभएको छ, “कृष्ण राउत शाखा अधिकृत हुँदाको कसुरमा परेछन्। उपल्लो निर्णयकर्तालाई केरकार नगरी तल्लो तहकोलाइ समात्नु ठिक भएन।”
