काठमाडौं । प्रमुख प्रतिपक्षी दल नेकपा एमालेले प्रधानमन्त्री पुष्पकमल दाहाल प्रचण्डको राजीनामा माग्दै आज पनि राष्ट्रिय सभा बैठक अवरोध गरेको छ।
प्रधानमन्त्रीले आफूलाई प्रधानमन्त्री बनाउन सरदार प्रितमले पटक पटक दिल्ली धाएको अभिव्यक्ति दिएपछि एमालेले सदन अवरोध गर्दै आइरहेको छ।
एमालेकी सांसद विमला घिमिरेले ‘प्रधानमन्त्री सदनले बनाउँछ कि भारतले बनाउँछ?’ भन्दै प्रधानमन्त्रीको राजीनामा नआएसम्म सदन चल्न नदिने बताईन।
राष्ट्रियसभा अध्यक्ष गणेश तिमल्सिनाले तीन दिनदेखि बैठक अबरोध हुँदै आइरहेकोले संवाद र छलफलबाट समस्याको समाधान गर्न आग्रह गरे।
