काठमाडौँ । सरकारले बालुवाटारस्थित ललिता निवास जग्गा हिनामिना प्रकरणमा हालसम्म ४०६ जनाविरुद्ध पक्राउ पुर्जी जारी गरिसकेको छ । जसमध्ये चार जना पूवसचिव समेत छन् ।
सरकारी जग्गा व्यक्तिका नाममा गर्ने काममा संलग्न भएको भन्दै तत्कालीन सचिवहरु दीप बस्न्यात, छविराज पन्त, दिनेशहरि अधिकारी र नारायण गोपाल मलेगो विरुद्ध पक्राउ पुर्जी जारी भएको हो । हाल पूर्वसहसचिव सुधीर शाह पक्राउ परिसकेका छन् । साथै, अख्तियार दुरुपयोग अनुसन्धान आयोगका पूर्वप्रमुख आयुक्तसमेत रहेका दीप बस्न्यात फरार छन् ।
प्रहरीका अनुसार उक्त प्रकरणमा हालसम्म ४०६ जनाविरुद्ध अदालतबाट पक्राउ .पुर्जी जारी भएको छ । ११२ रोपनी ४ आना एक पैसा जग्गा हिनामिना प्रकरणमा चार वटा मुद्दामा प्रहरीले अनुसन्धान गरिरहेको छ । दिनेशहरि अधिकारी र नारायण गोपाल मलेगो यही मुद्दामा जोडिएका हुन् । फाइल टिप्पणी उठाउने र सदर गर्ने काममा उनीहरुको नाम जोडिने गरेको छ ।
२०४९ सालदेखि २०६९ सालको अवधिमा ललिता निवासको १४३ रोपनी भन्दा बढी जग्गा हिनामिना भएको प्रहरीको भनाइ छ ।
