काठमाडौँ । उपप्रधानमन्त्री तथा गृहमन्त्री नारायणकाजी श्रेष्ठले मिटरब्याज पीडितलाई न्याय नदिलाई बिश्राम नलिने बताउनुभएको छ । संसद अवरोधका कारण मिटरब्याजसम्बन्धी ऐन संशोधन हुन नसकेको प्रति रुष्ट हुँदै उहाँले पीडितलाई न्याय दिने कामलाई भने जारी राख्ने स्पष्ट पार्नुभयो ।
‘आज म धेरै आहात भएको छु।आज प्रतिनिधिसभाबाट मिटरब्याजसम्बन्धी बिधेयक पारित हुनुपर्थ्यो । तर गरिएन । आजैदेखि यससम्बन्धमा जारी गरिएको अध्यादेश निष्कृय भएको छ ।यसबाट को पीडित जनताको पक्षमा छ र को बिपक्षमा छ भन्ने स्पष्ट भएको छ’, उहाँले भन्नुभयो ।
गृहमन्त्री श्रेष्ठले सामन्ती शोषणको यो अवशेषलाई हरहालतमा अन्त्य गरिने भन्दै पीडितलाई न्याय दिने यो अभियानलाई असफल पारियो भनेर पीडक वा तिनका पक्षधरले सोचेका छन् भने त्यो ठूलो भ्रम हो । पीडितलाई न्याय नदिलाई बिश्राम स्पष्ट पार्नुभयो ।
‘आयोगले काम जारी राख्नेछ । प्रजिअ कार्यालयमा सहजिकरण समितिको काम निरन्तर अघि बढ्नेछ। बिधेयक संसदको प्रक्रियामा छ ,अघि बढाइनेछ र कानुन बनाइछाडिनेछ । तसर्थ पीडितहरुलाई निरास नहुन र सक्रियताका साथ यो मुक्ति अभियानमा निरन्तर लागिरहन अपील गर्दछु । न्याय र बिजय सुनिश्चित छ’, उहाँले भन्नुभयो ।
