अर्थमन्त्री विष्णु प्रसाद पौडेलले सिंहदरबारबाट आर्थिक वर्ष २०७८÷७९ को बजेट वक्तव्य बाचन शुरु गरेका छन् । आर्थिक वर्षका लागि सरकारद्धारा आय व्ययसहितको अनुमानित बजेट सार्वजनिक गर्दै गरेको सरकारले संसद विघटन पछि अध्यादेश मार्फत बजेट ल्याएको हो ।
शनिबार मध्यान्ह बसेको मन्त्रिपरिषदको बैठकले बजेटका लागि आवश्यक ३ वटा अध्यादेशका लागि राष्ट्रपति समक्ष सिफारिस गरेका थियो । ती अध्यादेशपछि अर्थमन्त्रीले बजेट प्रस्तुत गर्दैछन् ।
यसैगरी सरकारले कोभिडको नियन्त्रणमा बजेट केन्द्रित गरेको छ । सबै सरकारी अस्पतालहरुमा परीक्षण र कोभिडको निशुल्क उपचार, स्वास्थ्य सम्बनन्धी उपकरण खरिदमा छुट, अक्सिजन उत्पादनमा लाग्ने बिजुलीमा ५० प्रतिशत छुट, तलब र ५० प्रतिशत जोखिम भत्ता दिएर पूर्व स्वास्थ्यकर्मी तथा इन्टर्नसिपमा रहेकालाई खटाइने, संक्रमित भइ घरमा रहेकाहरुलाई निशुल्क सेवा दिइने व्यवस्था सो बजेटमा गरेको छ ।
त्यसैगरी विश्वका थोरै मुलुकसँग खोप अभियान शुरु गरेको र खोप तथा औषधि किन्नका लागि २६ अर्ब ७५ करोड छुट्याएको छ । बजेटमा नागरिकलाई निशुल्क खोपको व्यवस्था गरिने जनाइएको छ । सफाइकर्मी, सुरक्षाकर्मीलाई जोखिम भत्ता दिइने बताइने छ ।
त्यस्तै सरकारले कोभिड रोगको नियन्त्रणका लागि ५३ अर्ब ३५ करोड बजेट बिनियोजन गरेको छ ।
