काठमाडौँ । गोरखाको शहीद लखन गाउँपालिकामा बिहीबार राति जन्ती बोकेको गाडी दुर्घटना हुँदा पाँच जनाको घटनास्थलमै मृत्यु भएको छ । साथै १३ जनाको राति नै उद्धार गरिएको छ ।
गाउँपालिकाको वडा नं ५ ताक्लुङस्थित सिलिङ र डाँडबारीबीचमा पर्ने अमलडाँडामा जन्ती बोकी फर्कने क्रममा दुर्घटना भएको हो । दुर्घटनामा परी घाइतेहरुको उपचारका लागि तनहुँका आबुखैरेनी पठाइएको थियो ।
गाडी सडकभन्दा करिब दुई सय मिटर तल खसेको प्रहरीको भनाइ छ । कच्ची बाटो, भिरालो स्थान र रातभर पानी परेकाले उद्धारमा समस्या भएको प्रहरीको भनाइ छ ।
