काठमाडौँ । नेपाली सुनचाँदी बजारमा आज बिहीबार सुन–चाँदीको मूल्य घटेको छ।
आज छापावाल सुन प्रतितोला पाँच सय रुपैयाँ घटेर एक लाख १० हजार पाँच सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बुधबार उक्त सुन प्रतितोला एक लाख ११ हजार रुपैयाँमा कारोबार भएको थियो ।
यस्तै, बिहीबार तेजाबी सुन प्रतितोला एक लाख ९ हजार नौ सय ५० रुपैयाँमा कारोबार भइरहेको छ। हिजो तेजाबी सुन प्रतितोला एक लाख १० हजार चार सय ५० रुपैयाँमा कारोबार भएको थियो।
त्यसैगरी, आज चाँदीको मूल्य पनि घटेको छ। आज चाँदी प्रतितोला २५ रुपैयाँले घटेर १३ सय ६० रुपैयाँमा कारोबार भइरहेको महासंघले जनाएको छ ।
