काठमाडौँ । प्रधानन्यायाधीश चोलेन्द्र शम्शेर जबरा निलम्बनमा पर्नुभएको छ । उहाँविरुद्ध महाभियोग प्रस्ताव दर्ता भएपछि उहाँ स्वतः निलम्बनमा पर्नुभएको हो । महाअभियोग प्रस्ताव दर्ता भएसँगै प्रधानन्यायाधीश जबराले निलम्बित अवस्थामा रहेर काम गर्न नपाउने संवैधानिक व्यवस्था छ।
महाभियोगको प्रस्तावकमा नेपाली कांग्रेसका सचेतक पुष्पा भुसाल, नेकपा माओवादी केन्द्रका प्रमुख सचेतक देवप्रसाद गुरुङ र नेकपा एकीकृत समाजवादीका प्रमुख सचेतक जीवनराम श्रेष्ठ रहनुभएको छ ।
प्रधानन्यायाधीश जबराले आफ्नो संवैधानिक दायित्व पूरा गर्न नसकेको भन्दै उहाँविरुद्ध महाअभियोग प्रस्ताव दर्ता गराइएको बताइएको छ । मन्त्रिपरिषदमा भागबन्डा खोजेको तथा विभिन्न मुद्दामा सौदाबाजी गरेको आरोप लागेका प्रधानन्यायाधीश राणाविरूद्ध न्याय क्षेत्रभित्रैबाट आन्दोलन भइरहेको छ।