काठमाडौँ । मंगलबार नियुक्त हुनुभएका नवनियुक्त दुई मन्त्रीको आज शपथ हुने भएको छ ।
विहान १० बजेका लागि तय भएको पद तथा गोपनीयताको शपथ अघि मन्त्रिपरिषद बैठक बस्न लागेको छ ।
मन्त्रिपरिषद बैठक विहान साढे ८ बजे सिंहदरबारमा बस्दैछ । मन्त्रिपरिषदको बैठक सकिएपछि वन तथा वातावरण मन्त्री वीरेन्द्र महतो र शिक्षा, विज्ञान तथा प्रविधि राज्यमन्त्री प्रमिला कुमारी यादवले पद तथा गोपनीयताको शपथ लिनुहुनेछ ।
प्रधानमन्त्री पुष्पकमल दाहालको सिफारिसमा राष्ट्रपति रामचन्द्र पौडेलले उहाँहरुलाई मंगलबार नियुक्त गर्नुभएको थियो ।