काठमाडौं । नेकपा एमालेका सचिव योगेश भट्टराईले सरकारले प्रस्तुत गरेको नीति तथा कार्यक्रम पुनर्लेखन गर्न सुझाव दिएका छन् ।
प्रतिनिधिसभाको आजको बैठकमा बोल्दै उनले सरकारले प्रस्तुत गरेको नीति तथा कार्यक्रमले स्पष्ट दिशा निर्देश नगरेको भन्दै त्यसलाई परिवर्तन गर्न सुझाव दिएका हुन् ।
उनले अध्यक्ष केपी शर्मा ओली प्रधानमन्त्री बनेपछि विकासको भाष्य बदलेको उल्लेख गर्दै भने, ‘०५१ सालमा सामाजिक सुरक्षा भत्ता दिन थालेपछि हामीले सरकारको भाष्य बदल्यौँ। केपी ओली प्रधानमन्त्रीको बनेपछि विकासको भाष्य परिवर्तन गर्यौँ। तपाईँहरू विकासको भाष्यमा बहस गर्न तयार हुनुहुन्न। भएका कामहरूलाई गलत भए भनेर इतिहासका उल्टो फर्काउन खोज्नुहुन्छ। पछौटे दिमागले देश बन्न सक्दैन। अग्रगामी हुनुपर्छ।’
उनले नेकपा एसका अध्यक्ष माधव नेपाललाई लक्षित गर्दै उमेर पाको भएर मात्रै नहुने भन्दै कुण्ठाले देश नबन्ने बताए।
