काठमाडौं । राष्ट्रपति रामचन्द्र पौडेल सरकारको नीति तथा कार्यक्रम प्रस्तुत गर्न संसद भवन पुग्नुभएको छ । विगतको परम्परा तोड्दै राष्ट्रपति शीतल निवासबाट संसद भवनमा जाँदा सडक खाली गराइएन ।
राष्ट्रपति पौडेलले आफ्नो सवारीलाई तामझामयुक्त नबनाउन पहिल्यै निर्देशन दिनुभएको थियो । सोहिअनुरुप, संसद भवनको गेटबाट मात्र कारकेडको व्यवस्था गरिएको थियो । बाटो एकतर्फीरुपमा पनि खाली गराइएन भने आम सर्वसाधारणकै आउजाउ बीचबाट राष्ट्रपतिको कारगेट चलेको थियो ।
यसअघि नीति तथा कार्यक्रम प्रस्तुत गर्न राष्ट्रपति संसद आउँदा शितल निवासदेखि नै सडक खाली गराउने गरिएको थियो ।
