काठमाडौँ । नेपाली सुनचाँदी बजारमा सुनको मूल्य घट्दो क्रममा रहेको छ।
आज शुक्रबार छापावाल सुन तोलामा पाँच सय रुपैयाँले घटेर प्रतितोला एक लाख नौं हजार दुई सय रुपैयाँ कायम भएको नेपाल सुनचाँदी व्यवसायी महासंघले जनाएको छ । बिहीबार छापावाल सुन तीन सय रुपैयाँ घटेर प्रतितोला एक लाख नौ हजार सात सय रुपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख आठ हजार सात सय रुपैयाँमा कारोबार भइरहेको छ।हिजो उक्त सुन प्रतितोला एक लाख नौ हजार दुई रुपैयाँमा कारोबार भएको थियो।
त्यसैगरी, शुक्रबार पनि चाँदीको मूल्य स्थिर रहेको छ। आज चाँदी प्रतितोला १३ सय ७० रुपैयाँमा कारोबार भइरहेको छ। चाँदीको मूल्य बिहीबार पनि स्थिर रहेको थियो।
