काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले भ्रष्टाचारको काण्डमा ठूला दलका नेताहरुको संलग्नता रहेको आरोप लगाएका छन् ।
काठमाडौँको वसन्तपुरमा भ्रष्टाचारसिरुद्ध प्रदर्शनलाई सम्बोधन गर्दै उनले यस्तो बताएका हुन् ।
‘ठूला भ्रष्टाचारका काण्डहरुमा सबै दलका ठूला दलका नेताहरुको संलग्नता भएकै कारण जतिसुकै भ्रष्टाचार मुद्दा सार्वजनिक भए पनि आयोग गठन गर्ने, अनुसन्धान गर्ने नाममा फासफुस बनेर गएका छन् ।, अध्यक्ष लिङ्देनले भने, अहिलेसम्म सबै भ्रष्टाचारका काण्डहरुमा ठूला दलको संलग्नता छ । सर्वदलीय सहमति जस्तो छ भनेर हामीले भन्दै आएका थियौं । अहिले यो प्रमाणित भएको छ ।’
उनले गाउँघरतिर नेता आउँदा चोर आए भन्ने अभिव्यक्ति अहिले आएर पुष्टि भएको बताए ।
