काठमाडौँ । पशुपति क्षेत्र विकास कोषले कोषको स्वामित्व मातहतमा रहेका भण्डारखालस्थित पसल कवल तथा पार्किङलाई तीन दिनभित्र बाँकी बक्यौता बुझाउन सूचना जारी गरेको छ । यसअघि गत फागुन २४ र वैशाख ७ गते वक्यौता बुझाउन सूचना समेत प्रकाशित गरेकाले सोअनुसार तीन दिनभित्र वक्यौता बुझाउन सूचना जारी गरेको थियो ।
पशुपति क्षेत्र विकास कोषको स्वामित्व तथा मातहतमा रहेको भण्डारखालस्थित पसल कवलहरु, अमालकोट कचहरीस्थित पसल कवलहरु, लामपोखरी चाबहिलस्थित पसल कलवहरु, सुमार्गी भवन, सुमार्गी भवन अगाडि रहेको पसल कवलहरु, सोभेनियर पसल कवलहरु, भण्डारखाल पार्किङ, उमाकुण्ड पाकिङ, वनकालीस्थित बी११ मा रहेको पार्किङ र कोषबाट सम्झौता गरी दिइएको अन्य बाँकी पसल कवल सञ्चालकलाई वक्यौता बुझाउन भनेको हो ।
पसल कवल तथा पार्किङ सञ्चालकलाई वक्यौता नतिरे कालोसूचीमा राखी सम्बन्धितको चल अचल सम्पत्ति जफत गरी कानून बमोपिजम सरकारी बाँकी सरह असुल उपर गरिने समेत कोषले चेतावनी दिएको छ ।
