काठमाडौँ । नक्कली भुटानी शरणार्थी प्रकरणमा करोडौँ असुली गरेको गिरोहबारेको अनुसन्धान प्रतिवेदन प्रहरीले बुधबार नबुझाउने भएको छ ।
उक्त प्रकरणको अनुसन्धान सकेर बुधबार रायसहितको प्रतिवेदन बुझाउन सरकारी वकिलले निर्देशन दिए पनि प्रहरीले प्रतिवेदन नबुझाउने भएको हो ।
जिल्ला प्रहरी परिसर, काठमाडौँका अनुसार अनुसन्धान अझै सकिएको छैन । अनुसन्धानका क्रममा गर्नुपर्ने कामहरु पूरा नभएकाले आज (बुधबार) प्रतिवेदन नबुझाउने भएको प्रहरीले जनाएको छ ।
प्रहरीले उक्त प्रकरणमा संलग्नलाई अहिले ठगी र संगठित अपराधसम्बन्धी कसूरमा म्याद थप गरेको छ । यसमा ६० दिनभित्र प्रहरीले अनुसन्धान सकेर जिल्ला सरकारी वकिलको कार्यालयमार्फत अदालतमा मुद्दा पेश गर्नुपर्छ । सरकारी वकिलले अध्ययनका लागि भन्दै एकसाता अघि बुधबार प्रतिवेदन बुझाउन भनेको थियो ।
तर, अनुसन्धान नसकिएपछि प्रहरीले प्रहरी नबुझाउने भएको हो । फेरि म्याद थप गरेर अनुसन्धानको बाँकी काम पूरा गर्ने काठमाडौँ प्रहरीको तयारी रहेको बताइएको छ ।
