• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द ★   कार्यदल बैठक सकारात्मक रुपमा अघि बढिरहेको छ: महेश बर्तौला ★   सिरोहियालाई साधारण तारेखमा छोड्न माग गर्दै जनकपुरका मेयर धर्नामा ★   कार्यदल बैठकमा आज पनि जुटेन सहमति ★   टी-२० सिरिजमा अमेरिकाले दोस्रो खेलमा पनि बंगलादेशलाई हरायो ★   नेपाल प्रहरीले आफ्नो दायित्वलाई कुशलतापूर्वक निर्वाह गर्दै आएको छ: प्रधानमन्त्री ★   संसद् भवनमा विपक्षी दलको बैठक सुरु ★   इजिप्ट र अमेरिकाले बढाए विमानस्थलमा सुरक्षा ★   विद्युत् प्राधिकरण वितरण केन्द्र वीरगञ्जको बक्यौता साढे तीन अर्ब

बालकृष्ण खाँणको बयान जारी: बयानमा आलटाल गर्दा समयको दवाव



file photo

काठमाडौं । भुटानी शरणार्थी प्रकरणमा पक्राउ परेका पूर्वगृहमन्त्री बालकृष्ण खाँणको जिल्ला सरकारी वकिलको कार्यालयमा बयान जारी छ ।

गत बुधबार पक्राउ परेका खाणको सोमबारबाट बयान सुरु भयो । उनी ५ दिनसम्म बयान दिन तयारै भएका थिएनन् । सोमबार प्रश्न सोध्दा सोध्दै उनले पेट दुखेको गुनासो गरेपछि डेढ घन्टामै बयान स्थगित भयो ।

जिल्ला सरकारी वकिल कार्यालयका एक जना उपन्यायाधिवक्ता र काठमाडौंका मुद्दाका शाखाका डीएसपी निरञ्जनदत्त भट्टको उपस्थितिमा उनको बयान भइरहेको छ ।

खाँणले निकै सुस्त तरिकाले बयान दिइरहेका सरकारी वकिल कार्यालय कार्यालयका एक अधिकारी बताउछन्। उनको बयान हिजै सकिने तयारी गरिएको थियो , तर उनले बयानमा आलटाल गरेपछि पूर्वउपप्रधान एवं उर्जामन्त्री टोपबहादुर रायमाझीको बयान थालिएको थियो ।जिल्ला अदालतबाट तीन दिन म्याद भएसँगै रायमाझीलाई सरकारी वकिलमा लगेर बयान थालिएको थियो ।

प्राविधिक परिक्षणको काम बाँकी रहेकोले खाणको बयान ढिलो सुरु भएको जिल्ला सरकारी कार्यालय प्रमुख अच्युतमणी न्यौपानेले बताए । प्रहरीले खाणको मोबाइल बराबद गरेपनि फम्र्याट गरेको पाइएकाले रिकभर गर्न विधिविज्ञान प्रयोगशाला पठाइएको उनले बताए ।

नक्कली शरणार्थी प्रकरणमा पक्राउ परेका १३ जनामध्ये ११ जनाको बयान सकिइसकेको छ । खाण र पूर्वसभासद आङतावा शेर्पाको मात्रै बयान बाँकी छ । तर खाणले बयान दिन अलमल गर्दा अझै समय लाग्ने देखिन्छ । अबेरसम्म भएपनि बयान सक्ने सरकारी वकिल र प्रहरीको तयारी छ । सरकारी वकिलले बुधबारभित्र अनुसन्धान सकेर रायसहितको प्रतिवेदन बुझाउन निर्देशन दिएको छ ।